თინათინ მღებრიშვილის პროექტის  პორტფოლიოს სანახავად იხილეთ ბმული 

                                                    ტრენინგის  მე-9    დღე
         
       ეს დღეც ძალიან ნაყოფიერი იყო. ვნახეთ ტრენინგის მსმენელთა პრეზენტაციები.
მივეცით უკუკავშირი.
       განვიხილეთ  მე-8 მოდული, რაც ძალიან  საინტერესოა.გავეცანით, როგორ ხდება პორტფოლიოს წარმოდგენის დაგეგმვა.
       ზოგადად, ეს ტრენინგი ძალიან მნიშვნელოვანი იყო ჩემთვის.უამრავ სიახლეს გავეცანი.აქამდეც ვმუშაობდი პროექტებზე, მაგრამ უფრო იოლი ფორმით,მარტივად.
ახლა კი მივხვდი,რომ საჭიროა უფრო სიღრმეებში წვდომა. ვისწავლე,პროექტი რომ სრულფასოვანი იყოს, როგორ დავგეგმო, როგორ ჩავრთო მოსწავლეები პრობლემის გადაჭრის პროცესში, როგორ დავუკავშირო რეალურ ცხოვრებას. როგორ შეუწყობს ხელს საწავლო პროცესს მიმართულების მიმცემი საკვანძო კითხვები. როგორ დავგეგმო მოსწავლეზე ორიენტირებული მიმდინარე შეფასება. გავეცანი შეფასების გეგმის მრავალსახეობას და რაც მთავარია,როგორ ჩამოვაყალიბო მოსწავლეები თვითრეგულირებად მსწავლელებად, როგორ დავაკმაყოფილო მათი განსხვავებული საჭიროებები და ა.შ.
      იმედი მაქვს, ეს ტრენინგი დამეხმარება  შემდგომ პედაგოგიურ მოღვაწეობაში.
      დიდი მადლობა ჩვენს ტრენერს დიანა მიქაძეს.
   

                                                           
                                                                 VIII დღე
გავეცანით,როგორ გამოვიყენოთ ტექნოლოგიები სწავლის პროცესის ხელშეწყობისა და მოსწავლეთა სწავლის შეფასების მიზნით.როგორ დავაკმაყოფილოთ მოსწავლეთა განსხვავებული საჭიროებები.
განვიხილეთ დიფერენცირებისა და ტექნოლოგიების ინტეგრირების სამუშაო ფურცელი.
გავეცანით სწავლის სხვადასხვა სტილს.სწავლის პროცესის დიფერენცირებას.როგორ ხდება თვითრეგულირების უნარის განვითარება მოსწავლეებში.
ვისწავლეთ დრაივში მუშაობა.

                                                                    VII დღე
გავაკეთეთ პროექტების პრეზენტაცია.შევაფასეთ,გავაკეთეთ უკუკავშირი.
განვიხილეთ შეფასების სტრატეგიები,როგორ გავუწიოთ ფასილიტაცია კლასს მოსწავლეზე ორიენტირებული სწავლების პროცესში.როგორ შევქმნათ ფასილიტაციის რესურსები.
განვიხილეთ აგრეთვე ეროვნულ საგანმანათლებლო ტექნოლოგიური სტანდარტები და სტანდარტული ინდიკატორები მასწავლებელთა მუშაობისათვის.როგორ ხდება ფასილიტაციის რესურსების შემუშავება,მასალების შექმნა.
ყოველივე ეს სიახლე იყო ჩემთვის.


 

                                                         VI დღე
       გავეცანით მოსწავლეთა საჭიროებების მიზნით შექმნილ შეფასების ფორმებს. როგორ მოვახდენთ სასწავლო პროცესში 21-ე საუკუნის უნარების ინტეგრირებას.როგორ გამოვიყენოთ ინტერნეტი სასწავლო პროცესის გასაუმჯობესებლად, როგორ ვუზრუნველყოთ ინტერნეტის ადეკვატურად და პასუხისმგებლობით გამოყენება.
      განვიხილეთ ინტერნეტ თანამშრომლობითი საწავლო რესურსების გამოყენების დადებითი  და  უარყოფითი მხარეები. ყურადღება გავამახვილეთ კოლაბორაციულ რესურსებზე.
       გავეცავით მოსწავლის სავარაუდო ნაშრომის დაგეგმვას . როგორია მოსწავლის პერსპექტივიდან დანახული სასწვლო  პროცესი, როგორ უნდა ვუზრუნველყოთ მოსწავლეების მიერ სასწავლო მიზნების მიღწევა საპროექტო დავალებებზე მუშაობისას.



 

                                                                  V დღე
        განვიხილეთ პროექტის შინაარსობრივი სტანდარტები და ინდიკატორები.
გავეცანით უკუკავშირის მეთოდებს,უკუკავშირის სახეებს, კონსტრუქციული უკუკავშირის მიცემის ზოგად წესებს, ტექსტური რედაქტორის Reviewing Toolbar-ის გამოყენებას უკუკავშირისათვის.
      ასევე გავეცანით ტექნოლოგიების გამოყენებასთან დაკავშირებულ სამართლებრივ ნორმებს, საავტორო უფლებებს.
     როგორც წინა დღეები, ეს დღეც ძალიან მნიშვნელოვანი და საინტერესო იყო ჩემთვის.

                                              ტრენინგის IV დღე
   დღეს განვიხილეთ სასწავლო პროექტის დაგეგმვა. როგორ უნდა გავითვალისწინოთ
სტანდარტები.ყურადღება გავამახვილეთ მიმართულების მიმცემი საკვანძო საკითხების  ფორმულირებაზე, რაც ხელს უწყობს მოსწავლეთა ჩართულობას.განვიხილეთ შეფასების სხვადასხვა მეთოდები.რაც სიახლეა და მნიშვნელოვანი ჩემთვის.